U suviazi z anansavanymi napiaredadni akcyjami pratestu, jakija płanujecca pravieści 26 sakavika ŭ roznych haradach Biełarusi, supracoŭniki milicyi praciahvajuć siońnia zatrymlivać patencyjnych udzielnikaŭ akcyj i demakratyčnych aktyvistaŭ. Mnohich zaprašajuć u milicyju pozvami, u niekatorych adbyvajucca pieratrusy, paviedamlaje spring96.org.

Barysaŭ. Siabra Abjadnanaj hramadzianskaj partyi Michaiła Vasiljeva zatrymali 25 sakavika ŭ Barysavie, ale paśla apytańnia ŭ RAUSie advieźli nanač u izalatar časovaha ŭtrymańnia da suda. Sud pavinien pačacca 26 sakavika ŭ 10 hadzin.

Biaroza. Žurnalista-fryłansiera i pravaabaroncu Tamaru Ščapiotkinu, jakaja supracoŭničaje ź Biełaruskim Radyjo Racyja, na ranicu 26 sakavika vyklikajuć ŭ RUUS Biarozy.

Połack. Da miascovaha aktyvista Hienadzia Bierdanieva pryjšli rabić pieratrus. Aktyvist miarkuje, što heta źviazana z anansavanym u sacyjalnych sietkach schodam, pryznačanym u Połacku na siońnia.

Rečyca. Pravaabaronca «Viasny» Valer Pucicki paviedamlaje ŭ fejsbuku, što pad jaho aknom dziažurać milicyjanty.

Клас
Панылы сорам
Ха-ха
Ого
Сумна
Абуральна