Jak paviedamlaje presavaja słužba «Biełaruskaj asacyjacyi žurnalistaŭ», 26 sakavika ŭ Miensku byli zatrymanyja žurnalisty «Biełsatu» Alaksiej Minčonak i Aleś Zaleŭski.
Papiarednie viadoma, što ich spynili supracoŭniki DAI za Pałacam respubliki. Minčonak i Zaleŭski znachodziacca ŭ Centralnym RAUSie Mienska. Presavy sakratar mienskaj milicyi Alaksandr Łastoŭski skazaŭ, što «ničym nia moža dapamahčy zatrymanym».
U Homieli zatrymanaja žurnalistka BiełaPAN Alena Hiermanovič.
U Viciebsku zatrymanyja siabry HA «BAŽ» Pavieł Levinaŭ, Łjeanid Śviecik, Kanstancin Mardźvincaŭ.
U Miensku na Kastryčnickaj płoščy zatrymanyja błohier Raman Pratasievič, błohier i publicyst Staś Karpaŭ.
A 12 hadzinie dnia ŭ Babrujsku na płoščy Pieramohi miełasia adbycca vuličnaja akcyja. Redaktar «Babrujskaha kurjera» Anatol Sanacienka pryjšoŭ aśviatlać mierapryjemstva. Tam jaho zatrymali amapaŭcy i adpravili ŭ milicejski aŭtobus.
Taksama ŭ Babrujsku zatrymanyja žurnalisty Andrej Šobin i Viktar Masałovič.
U Oršy taksama miełasia adbycca vuličnaja akcyja. Tam u centry horada zatrymany redaktar rehijanalnaha sajta orsha.eu Ihar Kaźmierčak.
