U Biełarusi zatrymanyja dvoje hramadzian Ukrainy ŭ čas akcyj, jakija prajšli ŭ Minsku ŭ minułyja vychadnyja. MZS Ukrainy nakiravaŭ notu Biełarusi dla atrymańnia infarmacyi ab pryčynach i abstavinach zatrymańnia. Pra heta ŭ efiry «Hromadśkie TV» zajaviŭ načalnik konsulskaha ŭpraŭleńnia zabieśpiačeńnia Ministerstva zamiežnych spraŭ Ukrainy Vasil Kirylič.

«Pavodle papiaredniaj infarmacyi, zatrymany jašče adzin hramadzianin Ukrainy, jaki ŭtrymlivajecca ŭ centry izalacyi pravaparušalnikaŭ u Minsku», — skazaŭ Kirylič.

Napiaredadni viečaram u MZS Ukrainy nie viedali, jakoje pakarańnie vynieśli zatrymanamu, proźvišča jaho ŭ efiry pradstaŭnik viedamstva nie nazvaŭ.

Kirylič zajaviŭ, što Ukraina nakiravała ŭ MZS Biełarusi notu z metaj atrymańnia poŭnaj i abjektyŭnaj infarmacyi ab pryčynach i abstavinach zatrymańnia ŭkrainskich hramadzian.

Imia pieršaha zatrymanaha 25 sakavika ŭkrainca viadoma — Rusłan Ciareščanka. Jamu dali 15 sutak aryštu, abvinavaciŭšy ŭ drobnym chulihanstvie i niepadparadkavańni zakonnamu patrabavańniu słužbovaj asoby.

Pa słovach Kiryliča, u bližejšy čas zatrymanaha naviedaje konsuł, kab vyznačyć umovy jaho ŭtrymańnia.

Клас
Панылы сорам
Ха-ха
Ого
Сумна
Абуральна