Adździełam Śledčaha kamiteta Šumilinskaha rajona pravodzicca pravierka pa fakcie śmierci 8-hadovaha chłopčyka, jaki pravaliŭsia pad lod.

Fota: sk.gov.by

Fota: sk.gov.by

Viadoma, što 27 sakavika kala 14.00 hadzin dva adnakłaśniki hulali pobač sa štučnym vadajomam, raźmieščanym pablizu ahraharadka Słabada Šumilinskaha rajona. Adzin z chłopčykaŭ vyjšaŭ na lod, staŭ ślizhać i pravaliŭsia pad jaho. Druhi chłopčyk pasprabavaŭ jaho vyciahnuć, adnak nie zmoh hetaha zrabić i pabieh pa dapamohu.

Dzicia dastaŭ z vady vartaŭnik Słabadskoj siaredniaj škoły, bryhada chutkaj miedycynskaj dapamohi chłopčyka dastaviła ŭ balnicu. Kala 20.00 hadzin u reanimacyjnym adździaleńni balnicy miedyki kanstatavali śmierć dziciaci.

Śledčyja praviali ahlad miesca zdareńnia, pryznačyli sudova-miedycynskuju ekśpiertyzu, apytali baćkoŭ i vidavočcaŭ zdareńnia.

Śledčyja źviartajucca da baćkoŭ z prośbaj być asabliva pilnymi da dziaciej padčas školnych vakacyj. Pravieści z padletkami hutarki ab tym, što ŭžo niebiaśpiečna vychodzić na lod na vadajomach krainy ŭ takoje nadvorje. 

Клас
Панылы сорам
Ха-ха
Ого
Сумна
Абуральна