Biełaruskaja čyhunka pryznačyła dadatkovyja ciahniki sa stalicy da Bresta i Homiela, paviedamlajecca na aficyjnym sajcie BČ.

«U suviazi ź siezonnym pavieličeńniem pasažyrapatoku Biełaruskaja čyhunka pryznačyła ŭ pastajanny zvarot dadatkovyja ciahniki, jakija buduć kursavać sučasnym matorvahonnym ruchomym sastavam», — havorycca ŭ paviedamleńni.

Tak, z 5 krasavika pa maršrucie Minsk—Brest—Minsk pryznačany dadatkovy ciahnik mižrehijanalnych linij biznes-kłasa № 723/724, jaki budzie kursiravać pa sieradach i čaćviarhach (za vyklučeńniem 19, 20, 26 krasavika, 4, 10, 17, 18 maja, 7, 8 červienia).

Ź Minska ciahnik №723 budzie adpraŭlacca ŭ 7.00, a prybyvać na stancyju Brest-Centralny ŭ 10.50 (ciahnik robić prypynak na stancyi Baranavičy-Centralnyja).

U zvarotnym kirunku ciahnik №724 Brest—Minsk budzie adpraŭlacca z Bresta ŭ 15.50, a prybyvać u Minsk u 19.30. Pa šlachu ruchu jon taksama budzie rabić prypynak na stancyi Baranavičy-Centralnyja.

Z 17 krasavika Biełaruskaja čyhunka pryznačyła dadatkovy ciahnik mižrehijanalnych linij biznes-kłasa №718 pa maršrucie Minsk-Homiel adpraŭleńniem ź Minska ŭ 14.56, jaki budzie dadatkova kursavać z paniadziełka pa čaćvier (u ciapierašni čas ciahnik kursuje pa piatnicach i niadzielach) z prypynkami pa stancyjach Asipovičy, Babrujsk i Žłobin.

Клас
Панылы сорам
Ха-ха
Ого
Сумна
Абуральна