Mižnarodny PEN-kłub apublikavaŭ zajavu pra padziei apošniaha miesiaca ŭ Biełarusi. U joj havorycca, što biełaruskija ŭłady pavinny nieadkładna vyzvalić usich aryštavanych padčas mirnych pratestaŭ i spynić milicejski hvałt. 

«My hłyboka zaniepakojenyja pastajannymi paviedamleńniami pra aryšty piśmieńnikaŭ, žurnalistaŭ i knihahandlaroŭ pa ŭsioj Biełarusi. Niekatoryja kazali, što ich žorstka źbili i pazbavili dostupu da advakataŭ. My nastojliva zaklikajem biełaruskija ŭłady rasśledavać hetyja zajavy i vyzvalić usich zatrymanych za mirnaje vykazvańnie svaich pohladaŭ», — havorycca ŭ zajavie..

«Biełaruś pieražyvaje samyja masavyja pratesty za apošnija hady, ale zamiest taho, kab dazvolić ludziam mirna pratestavać, biełaruskija ŭłady, vidać, majuć namier zdušyć inšadumstva. Heta nieprymalna, — kaža Dženifier Klemient, prezident mižnarodnaha PEN-kłuba. — Luby čałaviek, aryštavany tolki za toje, što advažyŭsia vykazać niezadavolenaść usłych, pavinien być nieadkładna vyzvaleny».

«Niama nijakaha apraŭdańnia dla hvałtoŭnaha razhonu mirnaha pratestu. Dziejańni biełaruskich sił biaśpieki pavinny być niezaležna i spraviadliva rasśledavanyja, a vinavatyja ŭ praźmiernym užyvańni siły pavinny być pryciahnutyja da adkaznaści», — kaža Kiatlin Kaldmaa, mižnarodny sakratar PEN-kłuba.

Raniej z zajavaj z nahody zatrymańniaŭ vystupiŭ biełaruski PEN. 

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?