U aŭtorak, 28 sakavika, KDB zatrymaŭ jašče adnaho mierkavanaha fihuranta spravy «Biełaha lehijona» — 25-hadovaha navukovaha supracoŭnika Nacyjanalnaha histaryčnaha muzieja Alaksandra Zimnickaha.

Jon staŭ 27-m zatrymanym u śpisie zatrymanych u hetaj spravie, jaki skłali pravaabaroncy i pradstaŭniki hramadskaści.

Zoja Zimnickaja, maci Alaksandra Zimnickaha, žyvie ŭ Dokšyckim rajonie, u vioscy Hlinnaja. Jana ŭžo piensijanierka, raniej pracavała vychavalnicaj u dziciačym sadku. Zoja Vikienćjeŭna płača, kali raspaviadaje pra aryšt syna.

«U piatnicu jon pryjechaŭ siudy dadomu, a ŭ paniadziełak vypraviŭsia ŭ Minsk, na pracu. A tady pazvaniŭ, što jaho vyklikaje ŭ aŭtorak ranicaj na hutarku śledčy. Kazaŭ, što ŭ jaho byŭ pieratrus, što zabrali toj pnieŭmatyčny pistalet, jaki ŭ jaho byŭ daŭno. Jon ź dziacinstva zachaplaŭsia historyjaj, knihami, usio vučyŭsia na historyka, ciapier u muziei pracuje. Jak pazvaniŭ, dyk pajechaŭ da śledčaha. A ŭžo ŭviečary patelefanavaŭ śledčy i skazaŭ, što Aleś zatrymany, pakul na 3 dni. Bolš ničoha nie viedaju. I za što jaho? Kazaŭ, što ničoha drennaha ludziam nie robić, tolki dobramu vučyli. Što ciapier budzie?» — raskazała Zoja Zimnickaja.

Da siońnia było viadoma, što abvinavačańnie zatrymanym fihurantam spravy «Biełaha lehijona» nie było vystaŭlena. Napiaredadni kiraŭnik upraŭleńnia infarmacyi i suviaziaŭ z hramadskaściu KDB Dźmitryj Pabiaržyn kazaŭ, što 29 sakavika moža źjavicca infarmacyja pra vystaŭleńnie abvinavačańnia fihurantam spravy. «Jość vyznačany zakonam čas, da 31 sakavika, miarkuju, budzie infarmacyja», — kazaŭ Pabiaržyn.

Pavodle staršyni rady «Baćkaŭščyny» Niny Šydłoŭskaj, na 29 sakavika ŭ KDB dla ŭdziełu ŭ śledčych dziejańniach vyklikanyja advakaty šerahu zatrymanych.

«Spadziajusia, chłopcaŭ pačnuć vyzvalać, spadziajusia — usich», — skazała Nina Šydłoŭskaja.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?