Łondanski Vysoki sud u sieradu abviaściŭ, što Ukraina pavinna vypłacić Rasii kredyt u pamiery 3 miljardaŭ dalaraŭ, vydadzieny pry prezidencie Janukovičy.

Reuters.com

Reuters.com

Sudździa Uiljam Błer paličyŭ, što arhumienty Ukrainy, jakija składajucca ŭ tym, što Rasija spačatku akazvała na Kijeŭ palityčny cisk, a zatym anieksavała Krym i spryjała raspalvańniu vajny na ŭschodzie krainy, adnosiacca da pytańniaŭ mižnarodnaha prava i adnosin suvierennych dziaržaŭ.

Tamu, pastanaviŭ sudździa, jany nie ŭvachodziać u kampietencyju anhlijskaha suda i tamu nie mohuć być pryniatyja.

Ukraina maje prava na apielacyju, jakoj jana, jak čakajecca, skarystajecca.

«Palityčny chabar»

Kredyt byŭ vydadzieny ŭradu Viktara Janukoviča padčas Majdanu, i Ukraina ličyć jaho palityčnym chabaram tahačasnamu prezidentu.

Ukraina dakazvała ŭ sudzie, što, pa-pieršaje, kredyt byŭ uziaty pad ciskam Rasii, jakaja damahałasia admovy Ukrainy ad damovy ab asacyjacyi ź Jeŭrasajuzam, da taho ž urad Janukoviča, pahadziŭšysia na hety kredyt, parušyŭ zakon ab biudžecie, u jakim byŭ ustanoŭleny limit zapazyčańniaŭ na hod.

Pa-druhoje, z punktu hledžańnia Ukrainy, dalejšyja dziejańni Rasii - anieksija Kryma i padtrymka vajny na ŭschodzie Ukrainy - dajuć Kijevu zakonnyja padstavy admovicca ad vypłaty.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?