Jak stała viadoma «Našaj Nivie», z 2017 hoda dadzienyja ab miedyjannym zarobku ŭ krainie buduć publikavacca tolki ŭ admysłovym zborniku «Praca i zarabotnaja płata», jaki vychodzić raz na dva hady — sioleta jaho nie budzie.
«Tak, na sajcie dadzienyja ab miedyjannym zarobku vyviešvacca nie buduć, admienieny taki pres-reliz. Rašeńnie pryniataje kiraŭnictvam. Čamu? Napeŭna, zapatrabavanaść takoj infarmacyi nievialikaja, tamu jaje prybrali», — patłumačyli «Našaj Nivie» ŭ pres-słužbie Biełstata.
Ciapier dostup da apieratyŭnaj infarmacyi buduć mieć tolki niekatoryja dziaržaŭnyja słužby.
Miedyjannaja ličba ličycca najbolš dakładnym adlustravańniem situacyi z zarobkami ŭ krainie. Miedyjanny zarobak značyć, što 50% ludziej atrymlivajuć bolej za nazvanuju sumu, a 50% — mieniej.
Pavodle dadzienych Biełstata za listapad 2015 hoda, miedyjanny zarobak u Biełarusi składaŭ kala 528 rubloŭ, siaredni zarobak tady ž — 675 rubloŭ.
