Fota Siarhieja Jeržankova

Fota Siarhieja Jeržankova

Televiadučy telekanała «Dožd́» Pavieł Łabkoŭ zatrymany ŭ centry Maskvy ŭ kaściumie mužčynskich hienitalij.

Pierad tym, jak adbyłosia zatrymańnie, Łabkoŭ źniaŭsia pobač ź instalacyjaj, jakaja simvalizuje vielikodnaje jajka, jakuju ŭstalavaŭ haradski kamitet pa dobraŭparadkavańni.

«Instalacyja ad Piatra Pałyča Birukova i departamienta pa dobraŭparadkavańni. Palicyja nie acaniła — Pašu zatrymali», - adznačyŭ kaleha zatrymanaha Siarhiej Jeržankoŭ.

U hutarcy ź Bi-bi-si Jeržankoŭ udakładniŭ, što Łabkova dastavili ŭ milicyju, ubačyŭšy ŭ jaho dziejańniach parušeńnie hramadskaha paradku.

Karystalniki sacsietak adznačajuć, što miedycynskaja klinika «Miadok» minułaj vosieńniu vypuskała na vulicy ŭ jakaści «žyvoj rekłamy» pramoŭteraŭ u kaściumie žanočych hienitalij. Taja rekłamnaja kampanija abyšłasia biez zatrymańniaŭ.

Pavieł Łabkoŭ pracuje na «Doždie» z 2012 hoda. Da hetaha jon doŭha pracavaŭ na NTV, dzie aproč inšaha vioŭ pieradaču «Raślinnaje žyćcio» i zajmaŭsia papularyzacyjaj bataniki. Jon taksama viadomy aśvietnickaj pracaj pa pytańniach ŚNIDa.

Paźniej stała viadoma, što Paŭła Łabkova aštrafavali na 500 rubloŭ za parušeńnie hramadskaha paradku, kanfiskavali kaścium i adpuścili.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?