Kampanija Microsoft admoviłasia zadavolić zapyt na karystalnickuju infarmacyju, jaki pastupiŭ ad pravaachoŭnych orhanaŭ Biełarusi. Heta vynikaje sa «spravazdačy ab prazrystaści» za druhuju pałovu 2016 hoda, piša Tut.by.

brodude.ru

brodude.ru

Zhodna z dakumientam, za paŭhoda Microsoft atrymała z našaj krainy adzin zapyt, jaki tyčyŭsia dvuch akaŭntaŭ. Kampanija pryniała rašeńnie nie raskryvać nijakuju infarmacyju — ni źmieściva pierapiski, ni ahulnyja dadzienyja akaŭntaŭ.

Zapyt pastupiŭ ad pravaachoŭnych orhanaŭ — kampanija nie pakazvaje dakładnuju nazvu struktury. Taksama nie tłumačycca, jakoha z praduktaŭ Microsoft datyčyŭsia zapyt — Skype, Hotmail, Outlook abo Xbox.

Usiaho za paŭhoda ŭ Microsoft pryjšło 25 837 zapytaŭ na vydaču infarmacyi pra karystalnikaŭ. Bolšaść dasłali pravaachoŭniki z ZŠA, Vialikabrytanii, Francyi i Hiermanii.

Dla paraŭnańnia: pravaachoŭnyja orhany ZŠA za paŭhoda źviarnulisia ŭ kampaniju bolš za 4000 raz. Pa 56% akaŭntaŭ była raskrytaja ahulnaja infarmacyja, u 9% vypadkaŭ Microsoft dała dostup da źmieściva pierapiski, hałasavoj abo videasuviazi. Z Rasii za hety ž čas adpravili 10 zapytaŭ ab 13 karystalnikach, usie jany byli adchilenyja.

Pavodle danych kampanii, u apošni raz jana zadavoliła zapyt ź Biełarusi ŭ pieršaj pałovie 2013 hoda. Paśla hetaha jana atrymała 10 zapytaŭ, jakija tyčylisia 19 akaŭntaŭ, ale adchiliła ich usie.

Pa praviłach Microsoft, zapyty ab danych karystalnikaŭ pavinny adpaviadać dziejnamu zakanadaŭstvu ZŠA. Kab atrymać ahulnyja danyja ab akaŭncie (łahin, imia i proźvišča, miesca pražyvańnia, adras elektronnaj pošty, IP-adras), patrebnaja aficyjnaja pozva, kab atrymać źmieściva pierapiski — ordar abo jaho anałah.

Biełaruś nie ŭpieršyniu źjaŭlajecca ŭ «spravazdačach ab prazrystaści» bujnych technałahičnych kampanij. U pieršaj pałovie 2016 hoda kampanija Google admoviłasia raskryć danyja ab piaci staronkach. U druhoj pałovie 2015 hoda biełaruski bok atrymaŭ admovu ad Facebook, a ŭ 2013 hodzie — ad Apple.

Клас
Панылы сорам
Ха-ха
Ого
Сумна
Абуральна