FSB Rasii zatrymała ŭradženca Centralnaj Azii Abrora Azimava, jakoha ličać adnym ź mierkavanych arhanizataraŭ teraktu ŭ mietro Sankt-Pieciarburha. Pra heta paviedamlajuć infarmahienctvy sa spasyłkaj na Centr hramadskich suviaziaŭ FSB Rasii.

Adznačajecca, što Abror Azimaŭ (1990 hoda naradžeńnia) byŭ zatrymany ŭ Adzincoŭskim rajonie Maskoŭskaj vobłaści. Miarkujecca, što jon ažyćciaviŭ padrychtoŭku terarysta-śmiarotnika Akbaržona Džaliłava.

Na pierahonie pamiž stancyjami «Technałahičny instytut» i «Siannaja płošča» pieciarburhskaha mietro 3 krasavika prahrymieŭ vybuch. Jon zabraŭ žyćci 14 pasažyraŭ, taksama zahinuŭ teraryst, jaki pryvioŭ u dziejańnie vybuchovaje prystasavańnie. Paciarpiełymi byli pryznanyja 102 čałavieki. Śledčy kamitet RF nazvaŭ imia mužčyny, jaki ŭčynyiŭ vybuch — im akazaŭsia ŭradženiec Kyrhyzstana Akbaržon Džaliłaŭ.

Клас
Панылы сорам
Ха-ха
Ого
Сумна
Абуральна