Reuters.com

Reuters.com

Kiraŭnik francuzskich krajnie levych Žan-Luk Melanšon zapeŭniŭ, što nie źbirajecca hałasavać za «Nacfront», i što ŭ jaho ruchu «Niaskoranaja Francyja» niama ničoha ahulnaha z krajnie pravymi.

 «Niama nijakaha sumnievu ŭ tym, što my jość, my — palityčny ruch, jaki nie maje ničoha ahulnaha z krajnie pravymi», - zajaviŭ Melanšon na svaim kanale ŭ YouTube.

«Ci jość siarod vas choć adzin čałaviek, jaki sumniavajecca ŭ tym, što ja nie budu hałasavać za «Nacyjanalny front»?», - zadaŭ jon pytańnie svaim hledačam u YouTube, adnak znoŭ admoviŭsia raić svaim prychilnikam za kaho hałasavać i nie paviedamiŭ, jak prahałasuje sam.

«Ja vam nie patrebien, kab zrazumieć, što vam rabić, ja nie huru», — praciahnuŭ jon.

Pa słovach Melanšona, Emaniuel Makron pradstaŭlaje intaresy finansavych kołaŭ, «adnak spadarynia Lo Pien jašče horš: jana budzie rycca ŭ pialuškach, vyśviatlajučy chto francuz, a chto — nie».

Žan-Luk Melanšon zaniaŭ čaćviortaje miesca pa vynikach pieršaha tura. Za jaho addali svaje hałasy 19,6% vybarščykaŭ. Pierad druhim turam vybaraŭ Maryn Lo Pien i Emaniuel Makron sprabujuć pieraciahnuć na svoj bok elektarat Melanšona.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?