Na sajcie dla lekaraŭ Biełarusi spadarynia Alesia apublikavała dopis — kryk ab dapamozie: «Majoj trochhadovaj plamieńnicy ŭčora ŭ CRB horada Hancavičy Bresckaj vobłaści miedsiastra ŭviała ŭnutryvienna bijafłor (preparat, jaki pryznačany dla pryjomu ŭnutr). Dzicia ŭ reanimacyi ŭ ciažkim stanie. Nam ničoha nie tłumačać i nie havorać. Padkažycie, jakija mohuć być nastupstvy i kudy možna źviarnucca pa jakasnuju miedycynskuju dapamohu?». Chutka plamieńnicu pieravieźli ŭ Minsk ŭ infiekcyjnuju balnicu, a rodnyja paciarpiełaj źviarnułasia ŭ prakuraturu z prośbaj razabracca ŭ siamiejnaj dramie.

Lekavy srodak bijafłor vykarystoŭvajecca pry lačeńni dysbakteryjozu roznaj etyjałohii, vostrych dyjarejnych infiekcyjach, chraničnych zachvorvańniach orhanaŭ stravavańnia i inš. Ale tolki aralna, razam z napojami ci pierad i paśla ježy. Heta instrukcyja napisanaja na kožnaj upakoŭcy. Ale tut miedsiastra dapuściła pamyłku…

Prakamientavać situacyju my paprasili hałoŭnaha doktara Hancavickaj centralnaj rajonnaj centralnaj balnicy Vadzima Saško: «Navošta vam zajmacca hetaj kałamutaj? Vy što, dapamožacie hetaj dziaŭčyncy? Tłumačyć niešta pa telefonie ja nie budu, pryjazdžajcie asabista».

Pra mahčymyja nastupstvy hetaha vypadku nam raskazaŭ doktar adździaleńnia anestezijałohii RNPC «Maci i dzicia» Andrej Vituška:

«Preparat bijafłor — heta prabijotyk, utrymlivaje ŭ sabie bakteryju. Kali jana traplaje u arhanizm pa vienach, tam zapuskajecca infiekcyjny praces. I jak užo jon na ŭsio heta adreahuje — nieviadoma. Usio vielmi indyvidualna. Spadziajusia, hetaj dziaŭčyncy pryznačać dobraje lačeńnie, i jana papravicca. A pravierka budzie vinavacić u tym, što zdaryłasia, nie asobna ŭziatuju miedsiastru, a raźbiarecca ŭ pryčynach. Takoje adbyvajecca nie tolki ŭ našaj krainie z-za pierahružanaści piersanału i prosta vypadkova. Kožny čałaviek moža pamylicca».

Jak piša Tut.by, aficyjny pradstaŭnik UUS Bresckaha abłvykankama Siarhiej Dučenka paviedamiŭ, što ciapier z nahody zdareńnia ŭ Hancavickim RAUS pravodziać pravierku, pryznačyli sudmiedekśpiertyzu. U pres-słužbie Ministerstva achovy zdaroŭja paćvierdzili, što ciapier idzie słužbovaje rasśledavańnie pa hetym pytańni.

My pastarajemsia znajści siamju paciarpiełaj i budziem trymać vas u kursie raźvićcia situacyi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?