U ramkach Tydnia Šviecyi z 29 maja pa 4 červienia ŭ staličnych restaranach i kaviarniach projdzie Tydzień šviedskaj kuchni. U minčan i haściej stalicy źjavicca cudoŭnaja mahčymaść pakaštavać šviedskija tradycyjnyja stravy: hraŭłaks, sup z šypšyny, śmiorhostort, «Spakusu Jansana», bifšteks a-la Lindstrom, teryn z alaniny pad soŭsam z čornych parečak, ŭlubionuju stravu Karłsana - tefteli z bruśničnym soŭsam, tort «Pryncesa», šafranavyja bułački i šmat čaho inšaha.

Śpiecyjalnaje šviedskaje mieniu prapanujuć kaviarni i restarany «Spoon» (vuł. Biruzova, 10A), «Viestfalija» (pr-t Haziety Praŭda, 11), «Kitch'n» (vuł. Kamsamolskaja, 8), «Wood&Fire» (vuł. Francyska Skaryny, 1). Šviedski set možna budzie zamović u restaranie «The View» (pr-t Pieramožcaŭ,7A) i «Vinnaj šafie» (vuł. Revalucyjnaja, 30). Restaran Arborea hatela «Reniesans» (pr-t Dziaržynskaha, 1ie) 28 traŭnia prapanuje šviedski branč, a na praciahu ŭsiaho Tydnia Šviecyi pačastuje haściej biźnies-łančam sa šviedskim smakam. U mieniu a la Carte bara «Svabody 4» (pł. Svabody, 4) vy taksama zmožacie vybrać šviedskija stravy na svoj hust. 

Usie amatary šviedskaj kuchni zmohuć pačastavacca šviedskimi tradycyjnymi stravami i na vialikim fudkorcie, jaki budzie pracavać u subotu, 3 červienia, na płoščy Svabody. Vas buduć častavać «Catering Service», «Fresh Catering», «Clever Irish Pub», «Royal Kebab&Salads», «Vieranda», «NRG group», «Kitch'n», «Spoon», «Svabody 4», «FoodTruck.Minsk»

Smačna jeści!

Клас
Панылы сорам
Ха-ха
Ого
Сумна
Абуральна