Fota Andreja Lejčyka.

Fota Andreja Lejčyka.

Raznavidnaść soniečnaha hało možna było nazirać u viečarovym niebie nad Ratamkaj 19 maja, paviedamlaje tut.by. Śvietłavy słup zafiksavaŭ astranom-amatar Andrej Lejčyk z hrupy Astraramantyka.

«Śvietłavy słup aranžavaha adcieńnia aśviatliŭ paŭnočna-zachodni haryzont na niekalki chvilin. Śvietłavy słup byŭ dosyć jarkim i vizualna naziraŭsia, jak jarkaja vohniennaja pałasa śviatła, što ŭzdymałasia z-za dalahladu ŭ viečarovaje nieba! Nievierahodnaja pryhažość!», - napisaŭ Andrej na svajoj staroncy Ukantakcie.

* * *

Śvietłavy (abo soniečny) słup

adzin z samych častych vidaŭ hało, vizualnaja atmaśfiernaja źjava, aptyčny efiekt, jaki ŭjaŭlaje saboj viertykalnuju pałasu śviatła, što ciahniecca ad Sonca padčas jaho zachodu abo ŭzychodu. Źjava vyklikajecca adlustravańniem śviatła na amal haryzantalnych płoskich hraniach šaścikutnych płoskich albo słupavidnych ledzianych kryštalikach, uzvažanych ŭ pavietry. Takija kryštaliki ŭtvarajucca ŭ vysokich piorystych abłokach, najbolš časta ŭ piorysta-słaistych. Pry nizkich tempieraturach padobnyja kryštaliki taksama mohuć utvaracca i ŭ nižejšych słajach atmaśfiery. Tamu śvietłavyja słupy čaściej nazirajucca ŭ chałodnuju paru hoda.

Клас
0
Панылы сорам
0
Ха-ха
0
Ого
0
Сумна
0
Абуральна
0