Kitaj upieršyniu zdabyŭ haz z adkładaŭ hidrataŭ mietanu na dnie Paŭdniova-Kitajskaha mora — heta padzieja moža stać pavarotnaj dla budučyni enierhietyki va ŭsim śviecie.

Kitajskija ŭłady adrazu ž abviaścili, što heta surjoznaje dasiahnieńnie.

Hidraty mietanu, viadomyja taksama pad nazvaj «haručy lod», utrymlivajuć vielizarnyja zapasy pryrodnaha hazu.

Mnohija krainy, u tym liku ZŠA i Japonija, pracujuć nad vyrašeńniem prablemy ekspłuatacyi adkładaŭ hazavych hidrataŭ, ale ich zdabyča i vymańnie ź ich hazu - składanaja zadača.

Što takoje «haručy lod»?

Kidkaje słovazłučeńnie apisvaje toje, što źjaŭlajecca ŭ realnaści kryštaličnym złučeńniem vady i hazu.

«Jon nahadvaje kryštali lodu, ale kali razhladać jaho na malekularnym uzroŭni, to akazvajecca, što malekuły mietanu ŭklučanyja ŭ rašotku ich malekuł vady», - kaža prafiesar Pravin Linha z kafiedry chimičnaj i bijamalekularnaj technałohii Nacyjanalnaha ŭniviersiteta Sinhapura.

Aficyjnaja nazva substancyi - kłatraty mietanu abo hidraty mietanu, jany farmujucca pad vysokim ciskam i pry nizkich tempieraturach u płastach viečnaj mierzłaty abo na dnie moraŭ.

Niahledziačy na svaju nizkuju tempieraturu, hetyja hidraty lohka zapalvajucca. Kali padnieści zapalnicu, to haz, źniavoleny ŭ zamierzłaj vadzie, pačynaje hareć. Z pryčyny hetaha hidraty i atrymali nazvu «haručy lod».

Pry źmianšeńni cisku i pavyšeńni tempieratury hidraty raspadajucca na vadu i mietan - vielmi vialikuju kolkaść mietanu. Adzin kubamietr złučeńnia vyłučaje da 160 kubamietraŭ mietanu, što robić jaho vysokakancentravanym paliŭnym resursam.

Kryštali hidratu mietanu, zdabytyja amierykanskimi hieołahami ŭ Mieksikanskim zalivie.

Adnak zahvazdka ŭ tym, što praces zdabyvańnia z hazavych hidrataŭ haručaha hazu nadzvyčaj składany i darahi.

Hazavyja hidraty byli ŭpieršyniu vyjaŭlenyja na poŭnačy Rasii ŭ 1960-ja. Adnak daśledavańni ŭ halinie zdabyčy hidrataŭ z donnych adkładaŭ pačalisia ŭsiaho 10-15 hadoŭ tamu.

Viadučyja pazicyi ŭ hetych daśledavańniach zajmaje Japonija jak kraina, jakaja nie maje zapasaŭ vykapniovych krynic enierhii. Padobnyja daśledavańni aktyŭna viaducca ŭ Indyi i Paŭdniovaj Karei, u jakich taksama niama zapasaŭ nafty.

Daśledavańni ŭ ZŠA i Kanadzie majuć svaju śpiecyfiku: jany ŭ asnoŭnym vyvučajuć mahčymaść zdabyčy hidrataŭ u rajonach viečnaj mierzłaty - na poŭnačy Kanady i na Alascy.

U Rasii viaducca daśledavańni mahčymaści zdabyčy hazu ź vielizarnych pakładaŭ mietanhidrataŭ u zonach viečnaj mierzłaty ŭ Zachodniaj Sibiry. Jany finansujucca dziaržaŭnaj karparacyjaj «Hazprom».

Čamu kitajskaje dasiahnieńnie takoje važnaje?

Hazavyja hidraty mohuć źmianić uvieś hłabalny enierhietyčny siektar i stać asnoŭnaj krynicaj enierhii ŭ budučyja hady.

Vializnyja adkłady hidrataŭ isnujuć na dnie ŭsich akijanaŭ, asabliva na krajach kantynientalnych plit. Roznyja krainy šukajuć sposaby zrabić zdabyču «haručaha hazu» biaśpiečnaj i prybytkovaj.

Kitaj śćviardžaje, što ździejśniŭ praryŭ u hetaj halinie i prafiesar Linha zhodny.

«U paraŭnańni z vynikami japonskich daśledavańniaŭ kitajskija navukoŭcy damahlisia ŭražlivaha pośpiechu, zdoleŭšy atrymać značna bolš mietanu pry ekstrakcyi, - tłumačyć jon. - Heta sapraŭdy značnaje dasiahnieńnie».

Ličycca, što adkłady hazavych hidrataŭ ŭtrymlivajuć u 10 razoŭ bolš hazu, čym słancavyja radoviščy. «I heta tolki pavodle samych aściarožnym acenak», - kaža navukoviec.

Kitaj vyjaviŭ «haručy lod» na dnie Paŭdniova-Kitajskaha mora ŭ 2007 hodzie.Na mnohija rajony ŭ akvatoryi hetaha mora adnačasova pretendujuć KNR, Vjetnam i Filipiny, i terytaryjalnyja sprečki abvastrajucca najaŭnaściu tam vielizarnych enierharesursaŭ.

Što budzie ciapier?

Jak ličyć prafiesar Linha, pośpiech Kitaja źjaŭlajecca tolki pieršym krokam na doŭhim šlachu da zasvajeńnia novaha resursu.

«Upieršyniu pierśpiektyvy zdabyčy hidrataŭ vyhladajuć realnymi, - kaža jon. - Ale, miarkuju, što tolki da 2025 hoda (samaje rańniaje) my zmožam ubačyć realnaje kamiercyjnaje vykarystańnie hidrataŭ».

Jak paviedamlajuć kitajskija ŚMI, u rajonie Šenchu ŭ Paŭdniova-Kitajskim mora ŭdałosia dasiahnuć uzroŭniu zdabyčy ŭ 16 tysiač kubamietraŭ u sutki hazu vysokaj čyścini.

Adnak prafiesar Linha papiaredžvaje, što ekspłuatacyja zapasaŭ hazavych hidrataŭ pavinna supravadžacca najstražejšymi mierami ekałahičnaj biaśpieki.

Samaj vialikaj ryzykaj u hetaj halinie źjaŭlajecca niekiravany vykid u atmaśfieru vializnych kolkaściaŭ mietanu, što moža rezka paskoryć hłabalnaje paciapleńnie. Mietan źjaŭlajecca značna bolš efiektyŭnym parnikovym hazam, čym vuhlakisły haz.

Tamu zadača palahaje ŭ tym, kab zdabyć haz i nie dać jamu pry hetym vyrvacca na volu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?