Vybuch na cukrovym kambinacie adbyŭsia jašče ŭ lutym, ale śledčyja praciahvajuć pracavać nad spravaj.
Pra heta 22 maja paviedamiŭ žurnalistam staršynia Śledčaha kamiteta Biełarusi Ivan Naskievič, pieradaje BIEŁTA.
«Zaviedzienaja kryminalnaja sprava pa fakcie niadbajnaści. U chodzie rasśledavańnia zatrymanyja i zaklučany pad vartu try słužbovyja asoby: načalnik cecha, dzie adbyŭsia vybuch, i jaho namieśnik, a taksama hałoŭny inžynier pradpryjemstva. U nas majecca dastatkova dadzienych dla taho, kab pradjavić im kančatkovaje abvinavačvańnie», - skazaŭ Ivan Naskievič.
Abvinavačvańnie pradjaviać, kali buduć skončanyja ekśpiertyzy.
Adznačym, što Naskievič ahučyŭ padrabiaznaści spravy paśla sustrečy z Łukašenkam, na jakoj prezident źviarnuŭ uvahu na zdareńnie.
***
Nahadajem, što nočču 25 lutaha na cukrovym kambinacie ŭ Skidzieli adbyŭsia vybuch pyłapavietranaj sumiesi. Piać rabotnikaŭ kambinata atrymali apioki i byli špitalizavanyja. Śledčy kamitet pačaŭ kryminalnuju spravu pa fakcie słužbovaj niadbajnaści, jakaja pryviała da ciažkich nastupstvaŭ. Sankcyi pa hetym artykule praduhledžvajuć da 5 hadoŭ pazbaŭleńnia voli.
