Viciebskija milicyjanty zatrymali maładoha čałavieka, jaki ździejśniŭ razbojny napad na bukmiekierskuju kantoru. Pra heta paviedamiŭ aficyjny pradstaŭnik UUS Viciebskaha abłvykankama Vital Sapronienka.

Uviečary 21 maja ŭ dziažurnuju słužbu UUS pastupiła telefanavańnie ad kasira adnoj z bukmiekierskich kantor horada Viciebska. Dziaŭčyna paviedamiła, što ŭ toj momant, kali jana začyniała pamiaškańnie ihralnaj ustanovy, na jaje napaŭ nieviadomy mužčyna.

«Małady čałaviek ścisnuŭ šyju paciarpiełaj i staŭ patrabavać klučy ad kasy. Skarystaŭšysia klučami, jon vykraŭ z kasy bolš Br1,8 tys. i źbieh ź miesca złačynstva.

Paśla zvarotu ŭ milicyju na miesca zdareńnia nieadkładna vyjechała śledča-apieratyŭnaja hrupa. Supracoŭnikami milicyi było ŭstanoŭlena, što złačynstva ździejśniŭ niepracujučy vićbič 1991 hoda naradžeńnia «, - raspavioŭ Vital Sapronienka.

Pa dadzienym fakcie haradskim adździełam Śledčaha kamiteta zaviedziena kryminalnaja sprava pa č. 1 art. 207 KK Biełarusi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?