Urad Biełarusi nie viadzie pieramovaŭ ab kupli vuhalu ŭ samaabvieščanaj Łuhanskaj narodnaj respubliki (ŁNR). Pra heta zajaviŭ žurnalistam vice-premjer Uładzimir Siamaška ŭ kułuarach Biełaruskaha pramysłovaha forumu.

Na minułym tydni kiraŭnik ŁNR Ihar Płatnicki zajaviŭ u intervju rasijskaj haziecie «Iźviestija», što samaabvieščanaja respublika viadzie pieramovy ź Biełaruśsiu, Turcyjaj i Kitajem ab pastaŭkach vuhalu. «Uźnikajuć składanaści z vyvazam pradukcyi, z afarmleńniem siertyfikataŭ. My šukajem šlachi vyrašeńnia prablem, upeŭnieny, što vychad znojdziem. Tut tonkaja miaža pamiž ekanomikaj i palitykaj. Vychad novaha hulca na rynak zaŭsiody nieadnaznačna ŭsprymajecca inšymi ŭdzielnikami», - skazaŭ Płatnicki.

Siońnia Uładzimir Siamaška, adkazvajučy na pytańnie ab tym, ci viadzie Biełaruś pieramovy z ŁNR ab pastaŭkach vuhalu, skazaŭ, što jamu pra takija pieramovy ničoha nie viadoma. «Ja viadu enierhietyčny siektar - ale takich pieramovaŭ my nie viadziem. Tym bolš, u nas nievialikaja patreba ŭ vuhle - jak vy viedajecie, 95% našaj enierhietyki pracuje na hazie», — rastłumačyŭ vice-premjer.

Pry hetym adkazvajučy na pytańnie ab tym, ci praciahnucca pastaŭki iranskaj nafty ŭ Biełaruś, jon adznačyŭ, što «ŭsio moža być».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?