U Baranavičach supracoŭniki milicyi zatrymali kryminalnaha aŭtaryteta, paviedamili BIEŁTA ŭ 6-m upraŭleńni pa Bresckaj vobłaści HUBAZiK MUS.
Mužčyna naležaŭ da złačynnaj hrupoŭki, zajmaŭsia rekietam i vymahalnictvam. Za peŭnuju płatu 29-hadovy bandyt akazvaŭ kryminalnaje zastupnictva indyvidualnym pradprymalnikam, udzielničaŭ u vyrašeńni kanfliktnych situacyj pamiž kankurentami.
Bandyt byŭ zatrymany pry siłavoj padtrymcy AMAP UUS Bresckaha abłvykankama za bojku ŭ padkantrolnym jamu kafe. Jon źmieščany ŭ śledčy izalatar. U ciapierašni čas supracoŭniki HUBAZiK vyśviatlajuć dadatkovyja fakty supraćpraŭnaj dziejnaści padazravanaha.
«Hramadzianin pazicyjanavaŭ siabie jak «nahladajučaha za horadam». Raniej jon byŭ sudzimy za vymahalnictva i supraciŭ supracoŭnikam milicyi, mieŭ peŭny status u kryminalnym asiarodździ. U chodzie dalejšych apieratyŭna-vyšukovych mierapryjemstvaŭ vyjaŭlena, što padazravany padtrymlivaŭ suviaź ź viadomym biełaruskim kryminalnym aŭtarytetam, jaki ciapier znachodzicca za miežami krainy», — dadali va ŭpraŭleńni.
