25 maja ŭ Viciebsku pa haračych śladach byŭ zatrymany mužčyna, jaki napaŭ na 9-hadovuju dziaŭčynku ŭ padjeździe doma.

Padrabiaznaści incydentu raspaviała BiełTA aficyjny pradstaŭnik UUS Viciebskaha abłvykankama Volha Škuratava. Zvanok ź infarmacyjaj ab zdareńni pastupiŭ u 17.20 u dziažurnuju słužbu UUS Viciebskaha abłvykankama. Pa telefonie 102 źviarnułasia žycharka Viciebska, jakaja paviedamiła, što ŭ padjeździe doma pa miescy žycharstva na jaje ŭnučku, jakaja viartałasia dadomu paśla treniroŭki, napaŭ mužčyna.

Jon pavaliŭ dzicia, sprabavaŭ sarvać vopratku. Dziaŭčynka kryčała i akazvała supraciŭ, što, mahčyma, i spałochała napadnika, jaki źbieh ź miesca złačynstva. Prykmiety mužčyny pieradali ŭ milicyju. Praz hadzinu mierkavany złamyśnik byŭ zatrymany supracoŭnikami Departamienta achovy ŭ rajonie abłasnoj kliničnaj balnicy. Papiarednie ŭstanoŭlena, što napad na dzicia ździejśniŭ 34-hadovy žychar Viciebskaha rajona, raniej nieadnarazova sudzimy. Pravodziacca nieabchodnyja śledčyja dziejańni.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?