U internecie apublikavana videa žorstkaha zatrymańnia chłopca ŭ padziemnym pierachodzie minskaha mietro. Dać rady zmahli tolki šaściora milicyjantaŭ.

Jak patłumačyli ŭ staličnaj milicyi, incydent adbyŭsia ŭ hadzinu nočy 27 maja. Pasažyr sprabavaŭ uvajści na stancyju mietro, adnak niešta vyklikała padazreńnie achovy.

«U chodzie razboru jon akazaŭ aktyŭny supraciŭ i nanios traŭmy supracoŭniku milicyi. U vyniku — pierałom kaściej nosa. Kroŭ supracoŭnika milicyi i zafiksavana na zapisy, jaki trapiŭ u internet», — zajaviŭ aficyjny pradstaŭnik HUUS Minharvykankama Alaksandr Łastoŭski.

Małady čałaviek zatrymany. Daktary sprabujuć vyvieści jaho sa stanu narkatyčnaha atručvańnia i ałkaholnaha apjanieńnia, paviedamlaje BIEŁTA.

Zaviedzienaja kryminalnaja sprava pa fakcie hvałtu ŭ dačynieńni da supracoŭnika milicyi (maksimalnaje pakarańnie — pazbaŭleńnie voli na termin da šaści hadoŭ).

aściarožna, žorstkija kadry i niecenzurnaja łajanka!

Клас
0
Панылы сорам
0
Ха-ха
0
Ого
0
Сумна
0
Абуральна
0