Stali viadomyja matyvy elektryka Siarhieja Jahorava, jaki rasstralaŭ u Ćviarskoj vobłaści Rasii dzieviacierych čałaviek.
Jahorava naniali, kab pravieści elektrapravodku ŭ domie haspadara ŭčastka. U toj čas, pakul mužčyna važdaŭsia z pravadami, kampanija ŭžo pačała adpačyvać. Paśla pracy elektryka zaprasili za stoł.
«Haspadar dačy i jaho hości pačali ździekavacca ź Jahorava. Jany słužyli ŭ pavietrana-desantnych vojskach i pačali śmiajacca, što jon taki chudy i maleńki. Jon, pakryŭdziŭšysia, pajšoŭ na svajo lecišča, jakoje znachodzicca ŭ tym ža pasiołku, uziaŭ karabin «Sajha», nasypaŭ u kišeniu 10-15 patronaŭ i viarnuŭsia da kampanii», — paviedamlajuć rasijskija ŚMI sa spasyłkaj na siłavikoŭ.
Niahledziačy na toje što Jahoraŭ pryjšoŭ sa zbrojaj, kampanija praciahvała žartavać ź jaho. Kali mužčynu nadakučyli ździeki, jon padniaŭ karabin i adkryŭ ahoń. Sam padazravany śćviardžaje, što ŭsich svaich achviar zastreliŭ z adnaho ražka. Tyja, chto byŭ nie mocna pjany, pasprabavali biehčy. Adzin z zahinułych nie dabieh dziesiać mietraŭ da svajho dačnaha domika. Jahoraŭ dahnaŭ jaho i streliŭ u hałavu.
Spačatku było znojdziena vosiem trupaŭ. Jašče adna zabitaja žančyna, jak vyjaviłasia, była schavana ŭ bahažniku aŭtamabila. Jana admoviłasia vykopvać sabie mahiłu, tady Jahoraŭ zastreliŭ i jaje.
Pobač ź ciełami, jakija elektryk ściahnuŭ u adnu kuču, supracoŭniki pravaachoŭnych orhanaŭ vyjavili kanistru ź bienzinam i hazietu. Jak miarkujecca, jon źbiraŭsia spalić trupy. Adrazu paśla zatrymańnia Siarhiej Jahoraŭ pryznaŭ vinu i napisaŭ jaŭku z pavinnaj.
Dyk ci byŭ desantnikam jon? Nie.
«Nichto jon — ni pamiežnik, ni vedevešnik, heta ja na 300% mahu skazać», — zajaviŭ aficyjny pradstaŭnik upraŭleńnia MUS pa Ćviarskoj vobłaści Rasii Vadzim Leŭšyn.
