Lalka moža raspaznavać vosiem emocyj, u tym liku ździŭleńnie i radaść. Jana uvieś čas pracuje ad batarejki. Ahulny košt novaha čypa — ŭsiaho €115, što jość vydatnym pakazčykam taho, jak lohka stanovicca nadavać rečam zdolnaści štučnaha intelektu.

«U najbližejšy čas my ŭbačym mnostva ludziej pa ŭsim śviecie, jakija buduć nie prosta nazirać za nami, ale navat sprabavać dapamahčy raspaŭsiudžvać štučny intelekt», — pradkazvaje kiraŭnik prajekta Oskar Deniz z Univiersiteta Kaścilja-Ła-Manča ŭ Śjudad-Real, Ispanija.

Apošnija dasiahnieńni ŭ vobłaści štučnaha intelektu aznačajuć, što my ŭžo majem ałharytmy, jakija mohuć raspaznavać abjekty, čytać z vusnaŭ, prymać asnoŭnyja rašeńni i mnohaje inšaje. Kali hetyja zdolnaści trapiać u kampaktnyja i tannyja čypy, jak hety, a razam z tym — u paŭsiadzionnyja pryłady, — usiaho tolki pytańnie času.

«My pryjdziem da taho, što zvyčajnyja pryłady, cacki, bieśpiłotnyja latalnyja aparaty, maleńkija robaty i rečy, jakija my navat nie možam sabie ŭjavić jašče, — usie buduć mieć štučny intelekt», — kaža Deniz.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?