Trochrazovy łaŭreat premii «Oskar» za najlepšuju mužčynskuju rolu brytanski akcior Denieł Dej-Ljuis abviaściŭ ab tym, što bolš nie budzie zdymacca ŭ kino, piša VVS.

Denieł Dej-Luis — adziny akcior, jakomu ŭdałosia vyjhrać try «Oskary» za najlepšuju mužčynskuju rolu. Fota RA 

Denieł Dej-Luis — adziny akcior, jakomu ŭdałosia vyjhrać try «Oskary» za najlepšuju mužčynskuju rolu. Fota RA 

U zajavie, apublikavanaj ahientam 60-hadovaha Dej-Luisa, havorycca, što jon «bolš nie budzie pracavać akcioram». U jej skazana taksama, što heta asabistaje rašeńnie samoha Denieła Dej-Luisa, i što jon «biaskonca ŭdziačny ŭsim svaim kaleham i hledačam».

Jon syhraŭ svaju pieršuju rolu ŭ kino jašče padletkam, u «Niadzieli, kryvavaj niadzieli» ŭ 1971 hodzie.

Na rachunku akciora nie tak šmat filmaŭ, jon zaŭsiody abačliva padychodziŭ da vybaru kinaprajektaŭ i zvyčajna zdymaŭsia tolki raz u try-piać hadoŭ.

Trojčy za svaje roli jon ŭdastojvaŭsia premii «Oskar» — za filmy «Maja levaja naha» (1989), «Nafta» (2007) i «Linkaln» (2012).

Siarod inšych jaho viadomych prac — «Apošni z mahikan» (1992), «Baksior» (1997) i film Marcina Skarseze «Bandy Ńju-Jorka» (2002).

Sioleta vyjdzie apošni film ź jaho udziełam — «Pryvidnaja nitka» Poła Tomasa Andersana, u jakim havorka idzie śviet mody ŭ Łondanie 1950-ch hadoŭ.

U 2013 hodzie Denieł Dej-Luis byŭ pryznany časopisam Time adnym z 100 samych upłyvovych ludziej u śviecie.

«Ja ŭžo niekalki razoŭ u žyćci kazaŭ sabie i ŭsim navakolnym, što bolš nikoli nie budu zdymacca ŭ kino. Adnak kožny raz viartajusia, hraju, i znoŭ mnie dajuć usie hetyja durnyja statuetki i pryzy za najlepšuju mužčynskuju rolu. Ale nikoli ja nie viartaŭsia z dumkaj ab tym, što pavinien syhrać, kab atrymać «Oskar». Heta nie pra mianie», — kazaŭ Dej-Luis ŭ adnym intervju.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?