Rumynskija parłamientaryi prahałasavali za adchileńnie ad pasady premjer-ministra krainy Soryna Hryndzianu, jaki ŭznačaliŭ urad mienš za šeść miesiacaŭ tamu, paviedamlaje VVS.

Hałasavańnie było inicyjavanaje kirujučaj parłamienckaj kaalicyjaj, u jakuju ŭvachodziać Sacyjał-demakratyčnaja partyja Rumynii (PSD), členam jakoj źjaŭlajecca i sam Hryndzianu, a taksama «Aljans libierałaŭ i demakrataŭ». Deputaty paličyli, što premjer nie spraŭlajecca z praviadzieńniem ekanamičnych reformaŭ.

U padtrymku vyniasieńnia votumu niedavieru Hryndzianu i jaho ŭradu vykazaŭsia 241 deputat pry nieabchodnym minimumie ŭ 233 hałasy.

14 červienia ŭsie ministry, jakija źjaŭlajucca členami PSD, padali ŭ adstaŭku ŭ znak niedavieru Hryndzianu. Paśla hetaha lidar partyi Liviŭ Drahnia zajaviŭ, što sacyjał-demakraty sumiesna z «Aljansam libierałaŭ i demakrataŭ» hatovyja sfarmavać novy kabiniet.

Hryndzianu, adnak, admoviŭsia pakidać svoj post i abvinavaciŭ Drahniu ŭ sprobie zamianić jaho łajalnym čałaviekam i takim čynam zasiarodzić uładu ŭ svaich rukach.

Sam Drahnia nie moža pretendavać na pasadu premjera z-za sudzimaści.

Urad pad kiraŭnictvam Hryndzianu byŭ zaćvierdžany ŭ śniežni 2016 hoda. Jaho kandydaturu prapanavała parłamienckaja bolšaść.

U lutym u Rumynii prajšli masavyja akcyi pratestu suprać pryniaćcia papravak, što praduhledžvajuć amnistyju dla karumpavanych čynoŭnikaŭ, jakija nanieśli dziaržavie škodu mienš za 200 tysiač lejaŭ (47,5 tysiačy dalaraŭ).

Pratestoŭcy taksama patrabavali adstaŭki ŭrada. U vyniku kabiniet ministraŭ admoviŭsia ad uniasieńnia adpaviednych papravak u kryminalny kodeks.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?