Bieraściejec Siarhiej Bachun razam z maci Tamaraj i dačkoj Adelaj na kraŭdfandynh-płatformie «Tałaka» źbirajuć hrošy na stvareńnie ŭnikalnaha dla našaj krainy 3D-kanstruktara «Mirski zamak».

«Adela vielmi lubić kanstruktary, jakraz ź joj my railisia nakont taho, što možna było b cikavaha zrabić dla dzietak. Da kankretnych dziejańniaŭ nas padšturchnuła abureńnie, vyklikanaje znachodžańniem u minskaj kramie naboru «Vietlivyja ludzi», hetych piersanažaŭ jašče nazyvajuć zialonymi čałaviečkami. Vychodzić, zbornaja madel z rasijskimi vojskami-akupantami jość ŭ dziciačych kramach, a niejkich sapraŭdy karysnych rečaŭ, jakija b raspaviadali pra našu historyju, niama? Dyk jak my źbirajemsia vychoŭvać dziaciej?», — kamientuje Siarhiej.

Na adnoj ź siamiejnych narad Bachuny vyrašyli: pryjšoŭ čas rabić niešta samastojna. Tym bolš u biznesie dośvied užo jość: Tamara Uładzimiraŭna daŭno znajomaja mnohim jak stvaralnica kreatyŭnych, pryhožych paštovak ź vinšavańniami pa-biełarusku.

Voś tak vyhladajuć paštoŭki ad Tamary Bachun. Fota: gazetaby.com.

Voś tak vyhladajuć paštoŭki ad Tamary Bachun. Fota: gazetaby.com.

«My šmat razvažali, apytvali znajomych i vyrašyli pačać ź Mirskaha zamka jak samaj paznavalnaj architekturnaj kaštoŭnaści. Ale kali našy madeli buduć zapatrabavanyja, dojdziem i da inšych budynkaŭ — haradskich ratuš, kaściołaŭ, pałacaŭ… Mabyć, uvaskresim chacia b u takim vyhladzie budynki, jakija byli źniščany i stračany. Treba, kab biełarusy hanarylisia svajoj historyjaj i viedali jaje: šmat ziemlakoŭ ni razu nie byli ŭ tym ža Mirskim zamku. A voś źbiaruć doma jaho madel — i, spadziajusia, zachočuć ubačyć užyvuju», — vykazvaje nadzieju Siarhiej.

Makiet budučaha zamka-kanstruktara.

Makiet budučaha zamka-kanstruktara.

Makiet zamka płanujuć rabić z kardonu, pamieram 30 na 30 santymietraŭ. Sabrać jaho možna budzie z dapamohaj instrukcyi: biez kleju i nažnic. U kamplekt buduć uvojduć nie tolki detali zamka, ale jašče i 5 fihurak histaryčnych asob taho času dy žaŭnieraŭ u roznych pozach. Dakładny košt pakul nieviadomy, ale cana budzie nie bolšaj za 30-40 rubloŭ.

Nakolki chutka tavar źjavicca u kramach, zaležyć ad taho, ci aktyŭna padtrymajuć prajekt na Tałace: ahułam na spravu treba sabrać 14800 rubloŭ.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?