U ramkach prajekta Open air CINEMA u Vierchnim horadzie kožnyja vychadnyja buduć pakazvać kino na adkrytym pavietry, paviedamili ahienctvu «Minsk-Naviny» va UP «Kinavideaprakat» Minharvykankama.

Pieršyja karciny možna ŭbačyć 14 i 15 lipienia ŭ 21:00 pa adrasie: vulica Kiryła i Miafodzija, 6 (dvoryk hatela «Manastyrski»).

14 lipienia ŭ prahramie — italjanskaja kamiedyja 2016 hoda «Biełaje vino z Babudoju». Karcina raskaža historyju troch bratoŭ, jakija atrymali ŭ spadčynu majontak i vinahradnik Babudoju. Bratam by radavacca takomu raskładu, ale akazvajecca, što za 15 dzion jany pavinny znajści i viarnuć banku 300 tysiač jeŭra, kab nie zbankrutavać i nie stracić siamiejny vinahradnik.

15 lipienia hledačy zmohuć pahladzieć italjanskija karotkamietražki. U prahramie pad nazvaj Italian Best Shorts sabrany 7 najlepšych karotkamietražnych filmaŭ, pieramožcaŭ italjanskich i jeŭrapiejskich fiestyvalaŭ. Heta maleńkija kamiedyi, dramy, mieładramy, jakija akunuć publiku ŭ atmaśfieru italjanskaj žyćcia i prymusiać radavacca, sumavać, śmiajacca i razvažać razam z hierojami kinahistoryj.

Uvachod na mierapryjemstvy prajekta Open air CINEMA volny.

Клас
0
Панылы сорам
0
Ха-ха
0
Ого
0
Сумна
0
Абуральна
0