Urad Italii, jaki imkniecca spynić patok mihrantaŭ u krainu, raspracavaŭ prajekt kodeksa pavodzinaŭ dla niaŭradavych arhanizacyj (NDA), jakija padbirajuć mihrantaŭ u Mižziemnym mory, paviedamlaje UNIAN sa spasyłkaj na Reuters.

Čakajecca, što ŭ bližejšyja dni prezientujuć prajekt kodeksa, jaki składajecca z 11 punktaŭ dla prykładna dzieviaci NDA, jakija rehularna raźmiaščajuć svaje vyratavalnyja sudny ŭ mižnarodnych vodach niedaloka ad uźbiarežža Livii.

Kali jakaja-niebudź z arhanizacyj admovicca pryniać prapanavanyja ŭmovy, jaje płaŭsrodkam mohuć zabaranić zachodzić u italjanskija party, i jany vymušanyja buduć vysadžvać vyratavanych mihrantaŭ u inšych krainach.

Siarod prapanavanych novych patrabavańniaŭ utrymlivajecca zabarona na zvanki abo śvietłavyja sihnały, jakija mohuć sihnalizavać handlaram ludźmi ab tym, što jany mohuć vyšturchoŭvać łodki ź mihrantami ad bieraha ŭ mora. Na łodkach NDA taksama prapanujecca raźmiaščać pravaachoŭnikaŭ, jakija buduć dapamahać vyjaŭlać handlaroŭ ludźmi siarod mihrantaŭ. Taksama NDA chočuć zabaranić pierasadžvać mihrantaŭ na inšyja sudny, pakinuŭšy im mahčymaść samastojna vysadžvać mihrantaŭ u partach.

Arhanizacyi Amnesty International i Human Rights Watch, jakija atrymali prajekt dakumienta, padkreślili, što hetyja prapanovy mohuć akazać niehatyŭny ŭpłyŭ na misii NDA. «Sproby abmiežavać pošukavyja i vyratavalnyja apieracyi NDA pahražajuć tysiačam žyćciaŭ, abmiažoŭvajučy dostup vyratavalnych sudoŭ u niebiaśpiečnyja vody pablizu Livii», — skazała staršy dyrektar Amnesty International Ivierna Makhoŭen.

Pavodle danych ministerstva ŭnutranych spraŭ, pa stanie na sieradu, u biahučym hodzie ŭ Italiju pryjechała 85 217 mihrantaŭ, što na 8,9% bolš u paraŭnańni z anałahičnym pieryjadam 2016 hoda.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?