Mižnarodny kalektyŭ płanietołahaŭ vyśvietliŭ, što ŭ nietrach Miesiaca jość vada. Adpaviednaje daśledavańnie apublikavana ŭ časopisie Nature Geoscience.

Śpiecyjalisty vyvučyli dadzienyja, atrymanyja ź indyjskaha miesiacovaha spadarožnika Chandrayaan-1. Z dapamohaj śpiektralnaha analizu byŭ vyznačany chimičny skład staražytnych vułkaničnych adkładaŭ na pavierchni niabiesnaha cieła, jakija vyjavilisia bahatyja vadoj.

Vonki vada razam z vułkaničnymi parodami, jak miarkujuć navukoŭcy, trapiła ź nietraŭ Miesiaca ŭ staražytnaści. Heta dakazvaje, što jany i ciapier joju poŭnyja.

Vułkaničnyja čaścicy ŭtrymlivajuć, pavodle acenak daśledčykaŭ, kala 0,05 % (pa masie) vady. Śpiecyjalisty miarkujuć, što vada moža być vyniataja i vykarystanaja ŭ płanavanych miesiacovych misijach.

Navukoŭcy nie viedajuć dakładnaha pachodžańnia vady ŭ nietrach ziamnoha spadarožnika. Raniej jaje ślady ŭ niabiesnym ciele byli vyjaŭlenyja misijami Apollo, padčas jakich na Ziamlu dastaŭlalisia ŭzory hruntu. Akramia taho, vadziany lod źmiaščajecca ŭ pryciemnienych kraterach na polusach Miesiaca.

Клас
Панылы сорам
Ха-ха
Ого
Сумна
Абуральна