Śledčyja Centralnaha rajonu Miensku zaviaršyli raśśledavańnie spravy chulihana, jaki ahaliŭ usio nižej za pojas u čas repetycyi vajskovaha paradu 24 červienia.
33-hadovy miančuk, pavodle śledčych, u stanie alkaholnaha apjanieńnia vyjšaŭ na siaredzinu darohi pierad kalonaj techniki i ahaliŭ pałavyja orhany. Na patrabavańni supracoŭnika milicyi spynić hetyja dziejańni i syści z darohi, jak śćviardžajuć śledčyja, mužčyna adkazaŭ niecenzurna i sprabavaŭ nanieści milicyjantu niekalki ŭdaraŭ. Paźniej z dapamohaj minakoŭ mužčynu zatrymali.
Mužčyna pryznaŭ vinu, ciapier jon pad vartaj. Jaho abvinavačvajuć u chulihanstvie (č.1 art. 339 KK RB) i pahrozie hvałtam milicyjantu (art. 364 KK RB). Jamu pahražaje abmiežavańnie voli na termin da 5 hod abo da 6 hod pazbaŭleńnia voli. Spravu pieradali ŭ sud.
