U internecie źjaviłasia videa, na jakim sierabrysty «BMV» nie sastupaje darohu kartežu Alaksandra Łukašenki ŭ Minsku. Jaho raźmiaściŭ na svajoj staroncy ŭ fejsbuku telekanał «Biełsat».
«Majbach» kiraŭnika dziaržavy ŭ supravadžeńni aŭto achovy sprabuje paskorycca na zahružanym praśpiekcie Pieramožcaŭ, pierastrojvajučysia ŭ krajniuju levuju pałasu pierad skryžavańniem z praśpiektam Mašerava. Ale adzin kiroŭca — ci to ź niaŭvažlivaści, ci to śpiecyjalna — nie prapuskaje kartež. Jon ihnaruje sihnały mašyn supravadžeńnia i ŭrešcie zmušaje achovu sarvacca na kryk.
Zaŭvažym, što na prezidenckaj mašynie niama ściažka — značyć, aŭtamabil prosta pierahaniali ź miesca na miesca.
Videa, miarkujučy pa stanie raślinnaści na vulicy, nie zusim śviežaje — mahčyma, viesnavoje.
