Adkaznaść za napad na ludziej u Surhucie ŭziała na siabie terarystyčnaja arhanizacyja «Isłamskaja dziaržava». Hetuju infarmacyju siońnia, 19 žniŭnia, raspaŭsiudziła ahienctva Amaq, źviazanaje z džychadystami.

Rasiejskija pravaachoŭnyja orhany raniej zajaŭlali, što versija teraktu nie źjaŭlajecca asnoŭnaj.

U šerahu srodkaŭ masavaj infarmacyi ŭ subotu źjavilisia kadry ź miesca hibieli napadnika. Na ich vidać, što zabity ŭvieś apranuty ŭ čornaje, a na žyvacie ŭ jaho zamacavany pradmiet, jaki vonkava nahadvaje pojas z vybuchoŭkaj. Paviedamlałasia taksama, što heta mulaž.

U subotu dniom nieviadomy, jakoha ŭ palicyi ličać miascovym žycharom, napaŭ z nažom na minakoŭ u centry Surhutu, paraniŭšy siem čałaviek. Jon byŭ zastreleny supracoŭnikami pravaachoŭnych orhanaŭ.

Sprava raśśledujecca pa artykule ab zamachu na zabojstva.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?