44-hadovy biełaruski łyžnik Siarhiej Dalidovič sabraŭ 100% nieabchodnaj sumy (30 tys. rubloŭ) dla ŭdziełu ŭ Zimovych alimpijskich hulniach, što projduć u lutym 2019 hoda ŭ Paŭdniovaj Karei. Heta buduć siomyja Hulni spartoŭca, jaki biare ŭ ich udzieł ad 1994 hoda.

Pra heta paviedamlajecca na płatformie Talaka, dzie pravodziŭsia zbor.

Pa stanie na 18:51 19 žniŭnia sabrana 30 275 rubloŭ, prajekt padtrymaŭ 121 čałaviek, ale jon jašče nie skončany. Da zaviaršeńnia kampanii zastałosia 48 dzion.

«Tak vyjšła, što z-za roznych abstavinaŭ ja nie maju mahčymaści treniravacca z nacyjanalnaj zbornaj. U niejki momant niechta paličyŭ, što Dalidovič zanadta stary dla taho, kab zastavacca najlepšym łyžnikam Biełarusi. Mnie zdajecca, heta niespraviadliva, kali maja hałoŭnaja vina — uzrost. Hatovy dakazać na łyžni, što mienavita ja varty pradstaŭlać krainu na Alimpijadzie 2018», — pisaŭ niekalki dzion tamu Siarhiej, abviaściŭšy zbor hrošaj.

«Zaraz ja mahu treniravacca samastojna ŭ Raŭbičach, pakul ź mianie nie patrabujuć hrošaj za vykarystańnie spartkompleksu. Majoj spartyŭnaj piensii ŭ 350 rubloŭ chapaje na transpartnyja vydatki i charčavańnie. Adnak dla taho, kab patrapić na Alimpijadu, nieabchodna pryniać udzieł u adboračnych spabornictvach i prajści zbory za miažoj. Pa maich padlikach, padrychtoŭka na ŭzroŭni nacyjanalnaj zbornaj abyjdziecca ŭ 30 tysiač rubloŭ. Hetuju sumu nieabchodna sabrać da pačatku kastryčnika».

I voś hrošy sabranyja.

Клас
Панылы сорам
Ха-ха
Ого
Сумна
Абуральна