Ciaham paniadziełka try vyłučency Abjadnanych demakratyčnych siłaŭ na vybary ŭ pałatu pradstaŭnikoŭ zajavili, što zdymajuć svaje kandydatury. Usie try vypadki zafiksavanyja na Homielščynie.

Niahledziačy na aficyjnuju pazycyju AHP, jakaja vystupaje suprać bajkotu, z vybarčaj honki źnialisia kiraŭnik Homielskaj abłasnoj arhanizacyi Vasil Palakoŭ (Homielskaja Savieckaja akruha №34) i Leanid Sudalenka (Chojnickaja №47).

1 vieraśnia jany nakiravali zajavy ŭ akruhovyja kamisii, dzie paviedamili pra svaje rašeńni. «Pieršapačatkova ADS vysoŭvała ŭładam umovy, i adna z klučavych umovaŭ — heta ŭklučeńnie našych pradstaŭnikoŭ u skład vybarčych kamisij. Hetaja ŭmova nie była vykananaja. Adpaviedna, jak i było zajaŭlena, my admaŭlajemsia ŭdzielničać u kampanii», — pieradaje słovy Vasila Palakova sajt ucpb.org.

Taksama ŭčora pra spynieńnie ŭdziełu ŭ parlamenckich vybarach zajaviŭ siabar Partyi BNF Valery Pucicki, jaki balatujecca ŭ Rečyckaj akruzie. Aktyvist spynić udzieł u kampanii paśla taho, jak jahony vystup budzie nadrukavany na staronkach miascovaj rajonki.

Nahadajem, što na vychodnych rašeńnie ab źniaćci svaich kandydataŭ da 23 vieraśnia pryniali Partyja BNF i arhkamitet BCHD.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?