Žycharka Drahičyna padazrajecca ŭ naŭmysnym pryčynieńni ciažkaha cialesnaha paškodžańnia svajoj trochhadovaj dačce.

Jak paviedamili BiełaPAN u Drahičynskim RAUS, u dačynieńni da 27‑hadovaj žančyny śledčym adździaleńniem raspačata sprava pa č. 1. art. 147 Kryminalnaha kodeksa (naŭmysnaje pryčynieńnie ciažkaha cialesnaha paškodžańnia).

1 vieraśnia ŭ 21.10 u Drahičynski RAUS pastupiła paviedamleńnie z rajonnaj balnicy, što da ich z pranikajučym kołata‑rezanym ranieńniem hrudnoj kletki sprava, paškodžańniem pravaha lohkaha dastaŭlena sa svajho doma trochhadovaja dziaŭčynka.

Śledča‑apieratyŭnaj hrupaj ustanoŭlena, što hetyja cialesnyja paškodžańni kala 20.00, znachodziačysia ŭ stanie ałkaholnaha apjanieńnia, pryčyniła nažom maci dziciaci. Jak jana raskazała supracoŭnikam milicyi, heta adbyłosia paśla svarki z mužam, pryčynu svajho ŭčynku žančyna rastłumačyć nie moža.

Dziaŭčynka znachodzicca ŭ reanimacyjnym adździaleńni balnicy. Miedyki aceńvajuć jaje stan jak siaredniaj ciažkaści, jaki nie vyklikaje apasieńniaŭ.

Siamja nie znachodziłasia na ŭliku ŭ milicyi jak niepaśpiachovaja. Žančyna znachodzicca ŭ adpačynku dla dohladu dzicia — syna 2007 hoda naradžeńnia. Pravodzicca rasśledavańnie.

BiełaPAN

Клас
0
Панылы сорам
0
Ха-ха
0
Ого
0
Сумна
0
Абуральна
0