Paŭnočnaja Kareja ažyćciaviła čarhovy zapusk rakiet. Amierykanskija vajskoŭcy paviedamlajuć, što byli zapuščanyja try balistyčnyja rakiety małoj dalokaści. Heta adbyłosia paśla niekatoraha źmiakčeńnia rytoryki KNDR u adras ZŠA, jakim Pchieńjan raniej pahražaŭ zapuskam rakiet u rajonie Huama.
Abjadnany kamitet načalnikaŭ štaboŭ Paŭdniovaj Karei paviedamiŭ, što zapusk niekalkich paŭnočnakarejskich rakiet byŭ ažyćcioŭleny z ŭschodniaha ŭźbiarežža KNDR z pravincyi Kanvando. Jany ŭpali ŭ Japonskim mory.
Paźniej Cichaakijanskaje kamandavańnie ŭzbrojenych sił ZŠA zajaviła, što zapuščany byli try balistyčnyja rakiety małoj dalokaści. U zajavie adznačajecca, što druhaja rakieta, chutčej za ŭsio, vybuchnuła adrazu paśla startu, a dźvie inšyja złamalisia ŭžo ŭ palocie.
Amierykanskija vajskoŭcy padkreślili, što rakiety nie mahli pradstaŭlać pahrozy dla avijabazy VPS ZŠA na vostravie Huam, udaram pobač ź jakoj raniej pahražaŭ Pchieńjan.
