U Połacku niedaloka ad Safijskaha sabora 25 žniŭnia pačali ŭstaloŭvać pamiatny znak «Połack — kałyska biełaruskaj dziaržaŭnaści». Uračystaje adkryćcio zapłanavana padčas śviatkavańnia Dnia biełaruskaj piśmiennaści.
Fota: Andrej Buchaviecki
Aŭtar pamiatnaha znaka — minski skulptar Uładzimir Pipin. Jahony tvor uvasablaje saboj z adnaho boku kałysku, ź jakoj pačynajecca žyćciovy šlach, a z druhoha — ładździu, što płyvie ź minułaha ŭ budučyniu pa chvalach času.
Na ščytach, złučanych u adzinuju źviazku, znachodziacca partrety znakamitych histaryčnych asob — ad pieršaha połackaha kniazia Rahvałoda i jaho dački Rahniedy da lehiendarnaha Usiasłava Čaradzieja i vialikaj aśvietnicy Jeŭfrasińni Połackaj. Na advarotnym baku skulptar raźmiaściŭ klučavyja padziei stanaŭleńnia našaj dziaržaŭnaści.
Fota: Andrej Buchaviecki
Znak vyšynioj 5,5 mietra adlili ŭ bronzie ŭ stalicy. Vaha manumienta razam z vałunom, na jakim jon staić, — amal 8 ton.
Pamiatny znak adkryjuć 2 vieraśnia padčas Dnia biełaruskaha piśmienstva. Hałoŭnymi temami śviata stanuć 1155-hodździe biełaruskaj dziaržaŭnaści i 500-hodździe ajčynnaha knihadrukavańnia.
