Rejtynhavaje ahienctva Moody's pavysiła suvierenny rejtynh Ukrainy. Z Caa2 («stabilny») jon byŭ źmienieny da Caa3 («stanoŭčy»), havorycca ŭ paviedamleńni ahienctva.
Pavyšeńnie rejtynhu ŭ ahienctvie rastłumačyli dźviuma pryčynami. Pieršaj ź ich stali strukturnyja reformy. Ich kumulatyŭny ŭpłyŭ, adznačyli ŭ ahienctvie, moža palepšyć dynamiku źmieny dziaržaŭnaha doŭhu krainy. Jašče adnoj pryčynaj stała «značnaje ŭmacavańnie źniešnich pazicyj Ukrainy».
«Pazityŭny prahnoz pa rejtynhu adlustroŭvaje dynamiku reformaŭ, jakija, kali jany buduć pravodzicca ustojliva, mohuć pryvieści da dalejšaha pavyšeńnia ŭstojlivaści ŭnutrydziaržaŭnaha i zamiežnaha doŭhu», — rastłumačyli ŭ ahienctvie.
Moody's adznačyła, što paśla ŭviadzieńnia novych biudžetnych praviłaŭ, praficyt biudžetu Ukrainy ŭ bližejšyja niekalki hadoŭ moža skłaści 1% VUP. Taksama ŭ ahienctvie ličać, što paśla ŭchvaleńnia piensijnaj reformy, Ukraina zmoža raźličvać na novy tranš ad MVF.
