U Azierbajdžanie — krainie z adnym z najhoršych pakazčykaŭ svabody presy ŭ śviecie — začyniajecca apošni bujny niezaležny ŚMI — infarmahienctva Turan. Napiaredadni jaho kiraŭnik byŭ adpraŭleny za kraty.
Miechmanu Alijevu pahražaje da siami hadoŭ źniavoleńnia.
Miechmana Alijeva aryštavali pa abvinavačvańni va ŭchileńni ad padatkaŭ u čaćvier viečaram. Na nastupny dzień da abvinavačvańniaŭ dadalisia złoŭžyvańnie słužbovymi paŭnamoctvami i niezakonnaje pradprymalnictva. Bakinski sud aryštavaŭ kiraŭnika ahienctva Turan na try miesiacy.
Alijeŭ admaŭlaje abvinavačvańni, a jaho kalehi i advakat nazyvajuć aryšt «palityčnaj zamovaj».
Jeŭrapiejski kamitet pa abaronie žurnalistaŭ (CPJ Europe) zaklikaŭ Azierbajdžan «spynić palityčna matyvavany pieraśled Miechmana Alijeva i ahienctva Turan».
«Ułady krainy sistematyčna złoŭžyvajuć sudovaj sistemaj, kab sadžać u turmu žurnalistaŭ i vyciskać niezaležnuju presu», — skazała kaardynatar prahram CPJ Europe ŭ Centralnaj Azii Nina Ahnianava.
U piatnicu Turan paćvierdziŭ, što spyniaje pracu: «U takoj situacyi narmalnaje funkcyjanavańnie ahienctva stanovicca vielmi składanym. Uličvajučy situacyju, jakaja skłałasia, kalektyŭ Turan vymušany z 1 vieraśnia prypynić svaju pracu na niavyznačany čas».
Azierbajdžan niaźmienna zajmaje samyja nizkija radki ŭ suśvietnych rejtynhach svabody presy.