Raźvićcio biełaruska-rasijskich adnosin abmierkavana na sustrečy Alaksandra Łukašenki sa staršynioj frakcyi KPRF u Dziarždumie Hienadziem Ziuhanavym, paviedamlaje BiełTA.

«Padkreślivaju absalutna adkryta, ščyra: vašyja idei nam nie čužyja. Bolš za toje, u adroźnieńnie ad mnohich postsavieckich respublik my sprabujem — i mnohaje ŭ nas atrymlivajecca z realizacyjaj hetych idej.

Tamu ideja, što rynak nas vyratuje, što kapitalizm - heta adzinaja sistema, jakaja moža siońnia isnavać, poŭnaja łuchta.

Treba prosta pracavać i šanavać ludziej. Pryjdzie čas, kali my paškadujem, što ŭsio ź minułaha pierakreślili», — skazaŭ Alaksandr Łukašenka.

Jon dadaŭ, što i ludzi heta adčuvajuć. «Raniej ludzi na ejfaryi byli, dumali: ach, napeŭna, voś kali heta rynak, kali heta toj kapitalizm, jak u Jeŭropie, my ŭsie budziem žyć lepš niama kudy. A atrymałasia zusim naadvarot, — zaŭvažyŭ jon. —My starajemsia trymacca, ale ciažkavata biez vas».

Клас
Панылы сорам
Ха-ха
Ого
Сумна
Абуральна