Incydent adbyŭsia hetym letam u Šarpiłaŭcy, paviedamili ŭ Homielskim rajonnym centry hihijeny i epidemijałohii. Ad ukusu žyvioły paciarpieła trochhadovaje dzicia, piša gp.by.

Jak vyśvietliłasia, maleńki hamialčuk pryjechaŭ u viosku da babuli. Razam ź joj jon išoŭ pa vulicy i ŭbačyŭ łasku, jakaja lažała na ziamli i zdavałasia miortvaj. Ź cikaŭnaści vyrašyŭ tknuć puchnatuju žyviołu pałačkaj. Adnak źvier aprytomnieŭ i ukusiŭ dzicia za palec.

«Baćki paciarpiełaha małoha źviarnulisia pa mieddapamohu, a łasku adpravili na vieterynarnuju ekśpiertyzu, jakaja paćvierdziła šalenstva, — raspaviała lekar-epidemijołah Lidzija Kondruś. — Dziciaci pryznačany kurs prafiłaktyčnych pryščepak. U vioscy praviedzienyja antyrabičnyja mierapryjemstvy z vakcynacyjaj žyvioł».

Pavodle słoŭ śpiecyjalista, čaściej za ŭsio nośbitami šalenstva ŭ dzikaj pryrodzie akazvajucca lisy i vaŭki. Kali vy ŭbačyli źviera na sielskaj abo haradskoj vulicy — heta tryvožny znak. Zdarovaja žyvioła da ludziej nie pojdzie. U metach prafiłaktyki zaražeńnia aścierahajciesia niaprošanych lasnych haściej. Nie sprabujcie padyści bližej i pahładzić ich. Kali ŭkusu abo drapin paźbiehnuć nie ŭdałosia — źviarniciesia pa miedycynskuju dapamohu.

Z pačatku hoda ŭ vobłaści vyjaŭleny 61 vypadak šalenstva žyvioł. Siarod rajonaŭ, dzie bolš za ŭsio zafiksavana epizodaŭ: Homielski — 7, Buda-Kašaloŭski — 6, stolki ž u Homieli, pa piać u Łojeŭskim, Śvietłahorskim i Dobrušskim. Zaražanymi śmiarotna niebiaśpiečnym virusam čaściej akazvalisia lisy, katy i sabaki.

Клас
Панылы сорам
Ха-ха
Ого
Сумна
Абуральна