U Minsku aŭtamabil siońnia ranicaj urezaŭsia ŭ słup i zahareŭsia, kiroŭca zahinuŭ, paviedamiŭ BIEŁTA načalnik adździeła ahitacyi i prapahandy DAI HUUS Minharvykankama Siarhiej Zaranik.
Fota DKSE
DTZ adbyłosia na skryžavańni praśpiektaŭ Dziaržynskaha i Lubimava ŭ kirunku vulicy Kasmanaŭtaŭ.
«Aŭtamabil Mitsubishi prajechaŭ śviatłafor na zabaranialny čyrvony sihnał. Na heta źviarnuli ŭvahu dziažurnyja patrulna-pastavoj słužby. Kiroŭca pry pierasiačeńni skryžavańnia nie spraviŭsia z kiravańniem, ujechaŭ u słup. Adbyłosia ŭzharańnie, i jon pamior na miescy», — skazaŭ Siarhiej Zaranik.
Upraŭleńnie DAI razam z ekśpiertami ŭpraŭleńnia Dziaržaŭnaha kamiteta sudovych ekśpiertyz pa Minsku pravodziać fotafiksacyju miesca zdareńnia. Pryčyny DTZ vyśviatlajucca.
