8 vieraśnia ŭ 21.30 ciahnik mižrehijanalnych linij biznes-kłasa №708 Minsk—Homiel byŭ spynieny na stancyi Buda-Kašaloŭskaja. Pryčynaj stała techničnaja niaspraŭnaść, jakaja pryviała da zadymlenńnia padvahonnaj prastory ŭ 11 vahonie, paviedamlaje pres-słužba BČ.
Zadymleńnie było apieratyŭna likvidavanaje siłami łakamatyŭnaj bryhady i MNS. Paciarpiełych niama.
Ciahnik prybyŭ na stancyju Homiel sa spaźnieńniem 1 hadzina 43 chviliny. Dla rasśledavańnia incydentu stvoranaja śpiecyjalnaja kamisija.
BČ vybačyłasia pierad pasažyrami za pryčynienyja niazručnaści i abviaściła, što viernie hrošy za kvitki. Jakim čynam budzie adbyvacca viartańnie srodkaŭ, možna daviedacca na sajcie čyhunki.
