Da premjery vośmaha «ajfona» zastajucca ličanyja dni. Na dumku vydaviectva Telegraph, dadzieny aparat moža stać samym darahim u historyi vytvorcy.
Pra heta śviedčać i krynicy ŭ kampanii Foxconn, jakija zajmajucca vytvorčaściu iPhone. Jany śćviardžajuć, što aparat adnaznačna nie budzie tannym, a samaja prostaja jaho viersija budzie kaštavać nie mienš za tysiaču dalaraŭ. Pry hetym madeli iPhone 7s i 7s Plus patańniejuć da 782 i 938 dalaraŭ adpaviedna.
Sioleta mabilnyja pryłady Apple adznačajuć dziesiacihadovy jubilej. Novy devajs, jak miarkujuć insajdary, budzie abstalavany ekranam, zajmajučym usiu piaredniuju panel, prahramaj raspaznavańnia tvaraŭ ź infračyrvonym skanaram i 3D-kamieraj.
Aparat vyjdzie ŭ niekalkich kalarovych varyjantach: čornym, biełym i miednym abo ružova-załatym. Mahčyma, 12 vieraśnia taksama pakažuć novyja viersii smart-hadzińnikaŭ i servisu Apple TV.
