U francuzskaj vioscy Šato-Šałon nieviadomyja zamianili śviatuju vadu ŭ carkoŭnaj kupieli kańjakom. Pra heta paviedamlaje AFP sa spasyłkaj na miascovy turystyčny centr.
Incydent adbyŭsia ŭ kancy žniŭnia, ale viadoma pra jaho stała tolki ŭ piatnicu. Turysty adčuli pach ałkaholu pry ŭvachodzie ŭ miascovuju carkvu i pacikavilisia ŭ hida, ci źjaŭlajecca heta miascovaj tradycyjaj.
Miascovyja ŭłady inicyjavali ŭłasnaje rasśledavańnie i vyśvietlili, što ŭ kupiel sa śviatoj vadoj nieviadomyja vylili litr kańjaku. U carkvie nie pravodziacca słužby, a tamu toje, što adbyłosia, było zaŭvažana nie adrazu.
«Heta raśśmiašyła mianie. Ja dumaju, što ludzi, jakija heta zrabili, majuć pačućcio humaru i chočuć parvać z tradycyjami», — raspavioŭ mer Šato-Šałona Kryścijan Viljem, adznačyŭšy pry hetym, što, imavierna, hety žart paciešyŭ nie ŭsich.
Kupieli byli ačyščanyja i znoŭ napoŭnienyja śviatoj vadoj. Asoby, adkaznyja za incydent, da hetaha času nie vyjaŭlenyja.
