15 studzienia 2016 hoda z kitajskaha kasmadroma Sičan byŭ zapuščany spadarožnik «Bielintersat-1». Hety pieršy biełaruski spadarožnik suviazi byŭ vyrableny kitajskimi śpiecyjalistami z kampanii China Aerospace Science and Technology pa zamovie biełaruskaha boku z kitajskich i francuzskich kamplektujučych.

Sam spadarožnik źjaŭlajecca častkaj dziaržaŭnaha prajekta «Bielintersat» i asnovaj Nacyjanalnaj sistemy spadarožnikavaj suviazi i viaščańnia Biełarusi. Akramia samoha spadarožnika, u skład prajekta ŭvachodzić Naziemny kompleks kiravańnia (NKK). 

Zapusk spadarožnika Belintersat-1 51.5°E aktyŭna aśviatlaŭsia dziaržaŭnymi miedyja. Paviedamlałasia, što ŭłasny spadarožnik dapamoža Biełarusi ŭmacavać ułasnuju infarmacyjnuju niezaležnaść, zabiaśpiečyć jaje infarmacyjnuju prysutnaść va ŭsim uschodnim paŭšarji i vyjści na suśvietny rynak telekamunikacyjnych pasłuh.

Dziaržaŭnaje ahienctva BiełTA paviedamlała, što Si Czińpiń i Alaksandr Łukašenka ŭ dzień zapusku spadarožnika navat abmianialisia vinšavalnymi telehramami. 

Kiraŭnik Biełarusi tady adznačyŭ: «Vyviedzieny na arbitu kitajskaj rakietaj-nośbitam, spadarožnik staŭ klučavym elemientam nacyjanalnaj sistemy spadarožnikavaj suviazi i viaščańnia Biełarusi. Prajekt maje vysokuju inavacyjnuju, ekanamičnuju, sacyjalnuju i palityčnuju značnaść dla našaj krainy».

Pieršy biełaruski spadarožnik suviazi pracuje na arbicie ŭžo bolš za hod, ale dahetul praź jaho viaščaje tolki adzin biełaruski telekanał — «Biełaruś-24». Adnak zhodna z danymi sajtaŭ, jakija adsočvajuć telekanały na roznych spadarožnikach, praz «Bielintersat» retranślujucca i inšyja ekzatyčnyja prahramy. Siarod ich u asnoŭnym češskija i słavackija kanały, niekalki kanałaŭ krain Afryki a taksama… pornakanały (Brazzers TV Europe, Passion XXX, Sexto Senso, Dusk TV i inšyja).

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?