AFP
U Rasii abvinavačvajuć eks-premjera Arsienija Jacaniuka nie tolki va ŭdziele ŭ bajavych dziejańniach u Čačni, ale i ŭ Prydniastroŭi.
Pra heta śviedčać vyniki rasijskaj ekśpiertyzy, datavanaj 2015 hodam, z materyjałaŭ spravy, jakija apublikavała ŭ sieradu pres-sakratar Jacaniuka Volha Łapo.
Rasijskija śledčyja nibyta znajšli fatahrafiju členaŭ UNA-UNSA 1992 h. u Prydniastroŭi.
Jak patłumačyła Łapo ŭ kamientary «Ukrainskaj praŭdzie», heta materyjały śledstva, na padstavie jakich «sud» u Rasii prymaŭ rašeńnie ab zavočnym aryšcie Jacaniuka.
«Jak vy razumiejecie, pra sud i jaho rašeńnie ŭsio daviedalisia ŭžo postfaktum. Materyjały atrymali niadaŭna. Jašče vyvučajuć», — adznačyła pres-sakratar.
Jak viadoma, u 2015 hodzie kiraŭnik SK RF Bastrykin zajaviŭ, što Arsień Jacaniuk vajavaŭ suprać rasijskaj armii ŭ Čačni ŭ 1994—1995 hh.
Zhodna ź bijahrafiijaj Jacaniuka, u 1991-1996 hadach jon vučyŭsia ŭ Čarnavickim nacyjanalnym univiersitecie na jurydyčnym fakultecie i paralelna u 1992—1997 hadach byŭ prezidentam jurydyčnaj firmy «Jurek-ŁTD» u Čarnaŭcach.
