Padapiečnyja Fabijo Kapeła žorstka adpomścili charvatam za svaju parazu na Uembli. Abiedźvie zbornyja — našyja supierniki pa adboračnaj hrupie.

I heta pry tym, što zbornaja Charvatyi — jaje ŭznačalvaje Słavien Bilič — na rodnym stadyjonie «Maksimir» nie prajhravała 30 matčaŭ zapar!

Ale vyjhrać dla Anhlii było spravaj honaru. U minułym listapadzie «pałymianyja» nie puścili kamandu z Tumannaha Albijonu na Eŭra-2008, vyjhraŭšy na Ŭembli. U charvataŭ tady, zdavałasia, niama nijakaj matyvacyi.

Ale dla Anhlii prajhrać na Ŭembli — prykładna toje ž samaje, jak dla zbornaj prezydenta sastupić kamu-niebudź na «Dažynkach».

Padapiečnyja Fabijo Kapeła ŭčora adpomścili, dyk jašče jak — 1:4. Chiet-tryk na rachunku byłoha kalehi Alaksandra Hleba pa londanskim «Arsenale» 19-hadovaha Teo Ŭołkata. Jašče adzin ćvik u trunu charvataŭ zabiŭ Uejn Runi.

Cikava, što ŭ sieradu ŭ našaj adboračnaj hrupie pieramahali vyklučna hości. Tak biełarusy vyjhrali ŭ Andory ź likam 3:1, z takim ža likam Ukraina ŭ Ałmaty pierajhrała Kazachstan.

Turnirnaje stanovišča: Anhlija, Ukraina — pa 6 punktaŭ, Charvatyja, Biełaruś, Kazachstan — pa 3, Andora - 0.

Kazachstan i Andora praviali pa try hulni.

Nastupny tur u našaj hrupie projdzie 11 kastryčnika. Biełarusy jaho prapuskajuć. U hety dzień Ukraina sustreniecca z Charvatyjaj, a Anhlija — z Kazachstanam.

15 kastryčnika biełarusy prymajuć na stadyjonie «Dynama» zbornuju Anhlii, a charvaty doma hulajuć z Andoraj.

A potym zimovyja vakacyi. Z charvatami biełarusy zhulajuć doma 19 žniŭnia, 5 vieraśnia — u haściach.

* * *

Što da vynikaŭ u inšych hrupach. Najpierš naš cikaviać susiedzi.

Rasieja vyjhrała ŭ kamandy Uelsa -- 2:1. U hetaj ža hrupie Finlandyja doma ŭpiorłasia roham i zhulała bajavuju ničyju ź Niamieččynaj -- 3:3. U toj ža hrupie Aziejbadžan i Lichtenštejn zhulali 0:0.

11 kastryčnika hetuju hrupu čakaje supermatč: Niamieččyna—Rasieja.

* * *

Litva ŭ Maryjampali pieramahła Aŭstryju — 2:0, i vyjšła ŭ lidery svajoj hrupy (u pieršym matčy litoŭcy ŭ haściach raźbili Rumyniju — 0:3).

15 kastryčnika našych paŭnočna-zachodnich susiedziaŭ čakaje surjozny ispyt u haściach u vyhladzie zbornaj Serbii. Serby, u svaju čarhu, učora sastupili ŭ haściach Francyi — 1:2.

Zbornaja Łatvii ŭčora prajhrała doma Hrecyi — 0:2, a zbornuju Estonija źbili na horki jabłyk baśnijcy — 0:7.

Polšča ŭ haściach pierajhrała San-Maryna - 0:2. 11 kastryčnika palaki doma hulajuć z čechami.

Što tyčyć inšych hrupaŭ, to chaciełasia b adznačyć valavuju pieramohu Danii ŭ Lisabonie. Čyrvona-biełyja dvojčy sastupali ŭ matčy, ale vyjhrali 3:2.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?